Baskonia
41eko balorazioa
Wade Baldwin, Endesa Ligako 30. jardunaldiko jokalari onena
EITB MEDIA
Bitci Baskoniako jokalariak 41eko balorazioa lortu zuen BAXI Manresaren aurkako partidan.
-
Wade Baldwin, BAXI Manresaren aurkako partidan. Argakia: BITCI BASKONIA
Wade Baldwin, Bitci Baskoniako joko-antolatzailea, Endesa Ligako 30. jardunaldiko jokalari onenaren saria jaso du, lehen aldiz bere kirol ibilbidean. 41eko balorazioarekin amaitu zuen BAXI Manresaren aurkako partida.
30 minutu (30:15) jokatu zituen. Partidako saskiratzaile onena izan zen, baita asistentzia gehien eman zituena. Gainera, erreboteatzaile onena ere izan zen. 25 puntu sartu zituen; 7tik 7 bi puntukoak (%100), 4tik 2 hirukoak (%50) eta 6tik 5 jaurtiketa libreak (%83). Horrez gain, beste 21 puntu bideratu zituen, 9 asistentzia emanda.
"Wade Baldwin nire ibilbidean entrenatu dudan jokalari onenetakoa da, eta taldearen jokoan eragina duten gauza asko haren menpe daude", adierazi zuen Neven Spahija Gasteizko taldeko entrenatzaileak.
