Lagun Aro-Kanariak, zuzenean ETB-1en eta eitb.com-en

Gaurko kirol emanaldiak, bigarren B mailako Alaves eta Amorebieta partidaren erretransmisioarekin hasiko dira. Norgehiagoka Gasteizen jokatuko da arratsaldeko 17:00etan eta ETB-1ek zuzenean eskainiko du, Xabier Andueza, Juanan Larrañaga eta Joseba Urkiolaren kontakizunarekin.

Ondoren, Donostian Lagun Aro eta Kanariak taldeek jokatuko duten saskibaloi partida eskainiko da. Endesa Ligako norgehiagoka da eta ETB-1ek zuzenean eskainiko du 19:15etik aurrera. Kasu honetan, Asier Aranguren, Koldo Aldalur eta Juan de la Vega izango dira berriemaileak.

Txirrindularitza eta pilota, ETBK Sat-en

ETBK Sat kateak bere aldetik, Miguel Indurain Saria txirrindularitza proba ezagunaren laburpena eskainiko du 21:00etik aurrera Fermin Aramendiren kontakizunarekin,

Amaitzeko, Gasteizen arratsaldean jokatu den binakako txapelketako pilota partida eskainiko da 22:30etik aurrera. Olaizola II-I. Zabala eta Irujo-Zabaleta pilotariek jokatuko dute norgehiagoka.