Publizitatea
Itxi

2021/06/06

12:50

Saskibaloia

Albaceten

Bidaideak taldeak Errege Kopako finala galdu du (76-85)

L. E. A. | EITB MEDIA

Bilbotarrek, egungo liga txapeldunak, ezin izan dute Amiab Albacete gainditu. Mantxako taldeak hasieratik hartu du aurrea markagailuan eta lehen aldiz irabazi du Kopa.

  • Manu Lorenzo, bi aurkariren artean

    Manu Lorenzo, bi aurkariren artean. Irudia: @fededdf

  • Whatsapp
  • Whatsapp
  • Telegram
  • Bidali

Bidaideak ezin izan du denboraldia biribildu Liga txapelketari Kopa gehituz, Albaceten jokatutako Errege Kopako finala galdu egin baitute Almiab taldearen aurka (76-85).

Partida hasieratik okertu zaie bizkaitarrei. Mantxako taldea oso erasokor atera da eta berehala egin du 10 puntuko zuloa markagailuan (6-16). Bizkaitarrak ez dira batere fin ibili, erasoan bereziki, eta errazak ziren jaurtiketetan huts egin dute. Horrela, lehen laurdena atzetik amaitu dute; 11-23.  

Bigarrenean, Albacetekoen aldeak gora egin du, kanpoko jaurtiketetan bikain aritu direlako. 18 puntuko aldea ere izan dute, eta Jordi Ruizen hiruko bati esker, alde hori 15 puntutan geratu da atsedenaldian (29-44).

Hirugarren laurdenaren hasieran gauzak ez dira asko aldatu. Baina apurka-apurka  Bidaideakek hobera egin du eta bederatzi puntura jarri dira (54-63). Hobekuntza horrek, baina, ez du asko iraun, laugarren laurdenaren hasieran 54-68 galtzen izan direlako.

Azken ahalegina

Azken minutuetan, bizkaitarrek dena eman dute, Kopa galtzeko bidean zeudela ikusita. Ondorioz, 5 puntura hurbildu dira amaierarako minutu eta 10 segundoren faltan (75-80). Hor izan dute partida iraultzeko aukera, baina ez dute egoera aprobetxatu. Amiab taldeak ondo egin dio aurre presioari eta azkenean garaipena eraman dute, 76-85, historiako euren lehen Errege Kopa irabazteko.

  • Bisitatuena

      Kargatzen ikusiena
      Kargatzen ikusiena
    ;