Saskibaloia
2012-2013. denboraldia
Asefa Estudiantesek ez du maila galduko eta Endesa Ligan jarraituko du
Erredakzioa
Madrileko taldeak jaitsiera postuan bukatu zuen denboraldia, baina igoera eskuratu duen CB 1939 Kanarias taldeak ez ditu maila gorenean jokatzeko beharrezkoak diren abalak epe barruan aurkeztu.
-
Asefa Estudiantesek mailari eutsi dio eta Endesa Ligan jarraituko du. Argazkia: EFE
Asefa Estudiantes Urrezko Adecco ligara jaitsi zen Endesa Ligatik, baina talde madrildarrak ez du maila galduko azkenean. Igoera lortu duen CB 1939 Kanarias taldeak ez ditu maila gorenean jokatzeko beharrezkoak diren abalak epe barruan aurkeztu, eta ondorioz, Estudiantesek hartuko du bere tokia.
ACBk CB 1939 Kanarias taldearen tokia hartzeko proposamena egin zion Estudiantes SAD klubari eta Ramiro de Maeztukoek baiezkoa eman zioten eskaintzari.
Ondorioz, Aseffa Estudiantesek Endesa Ligan jokatuko du 2012-2013 denboraldian.
