Saskibaloia
Transferentzia
Steve Nashek Lakersen jokatuko ditu hurrengo hiru denboraldiak
Erredakzioa
Phoenix Suns taldeko joko-banatzailea Los Angelesen arituko da, 27 milioi dolarreko kontratua sinatuta.
-
Steve Nash eta Kobe Bryant. Argazkia: Harry How.
Steve Nash Phoenix Sunsetik Los Angeles Lakersera transferitu dute 27 milioi dolarren truke (21,5 milioi euro baino gehiago), hiru denboraldirako kontratua sinatuta.
Transferentzia mota horri sign and trade deitzen zaio: talde batek jokalari batekin kontratua sinatzea gero beste talde bati transferitzeko. Toronto edo New Yorkera joango zen usteak egon ziren arren, azkenean kanadiarrak Los Angeles aukeratu du, “emazte eta seme-alabengandik hurbilago egoteko”.
NBAn eman dituen 16 denboraldietan, 12,7 puntu, 3 errebote eta 10,7 asistentzia lortu ditu batazbesteko, baina ez du inoiz eraztunik irabazi. Los Angelesen irabaztea errezago izango du.
38 urtekoa jokalari handien boskotea osatzera dator, Kobe Bryant, Andrew Bynum, Metta World Peace eta Pau Gasolekin batera.
