Saskibaloia
Elena Buenavida eskoltak Lointek Gernika Bizkaian jokatuko du datorren denboraldian
Azken denboraldian, jokalari kanariarrak Valentzia Basket eta Nou Paterna filiala uztartu ditu. Euroligan 4,8 puntu eta 1,7 asistentzia lortu ditu batez beste; LF Challengean, berriz, 12,5 puntu, 2,7 errebote eta 2,3 baloi.
-
Elena Buenavida, jugadora del Lointek Gernika
Elena Buenavida eskolta kanariarrak Lointek Gernika Bizkaian jokatuko du 2024-2025 denboraldian Valentzia Basketek utzita. Orain arte, Buenavidaz gain, zortzi jokalari ditu Gernikak datorren denboraldirako: Itziar Ariztimuño, Kendra Chery, Marta Alberdi, Laura Westerik, Ane Olaeta, Maya Dodson eta Irati Etxarri.
Azken denboraldian, jokalari kanariarrak Valentzia Basket eta Nou Paterna filiala uztartu ditu. Euroligan 4,8 puntu eta 1,7 asistentzia lortu ditu batez beste; LF Challengean, berriz, 12,5 puntu, 2,7 errebote eta 2,3 baloi. Buenavida Siglo XXI taldeko harrobitik atera da eta bi denboraldi daramatza Valentzian.
Jokalari kanariarrak adierazi du datorren sasoia hasteko "ilusio handia" duela. "Egunero oso gogor egingo dut lan pixkanaka jarritako helburuak betetzen joateko, baina batez ere Marea Granateak taldearen jokoarekin gozatzea nahi dugu", esan du.
Lucas Fernandez taldeko entrenatzaileak Valentzia Basketek eta Buenavidak Lointek Gernika Bizkaian ikusitako "sendotasuna, seriotasuna eta lehiakortasuna" nabarmendu ditu, bai eta emakumezkoen Endesa Liga "ondo baino hobeto ezagutzen duen jokalaria" dela. "Oreka asko ematen du kantxako bi aldeetan. Batez ere bere lehiakortasuna nabarmenduko nuke, edozein egoerari aurre egiteko gai delako", gaineratu du.
¿ Elena Buenavida Gutariko Bat ¿
— Lointek Gernika Bizkaia (@GKesb) June 12, 2024
Elena Buenavida, talento exterior para el Lointek Gernika Bizkaia
¿ https://t.co/3nHqPdsNSz
¿ @mariamentxaka
¿ FIBA#GutarikoBat¿ pic.twitter.com/tWK16w9ByP
