Saskibaloia
Erregina Kopa
Spar Girona-Lointek Gernika, Erregina Koparen final-laurdenetako kanporaketan
EITB MEDIA
Gernikako taldeak martxoaren 20an jokatuko du, ostegunez. Finalaurrekoak larunbatean izango dira; final handia, ostera, igandean, martxoaren 23an.
-
Lointek Gernika taldea, aurkezpenaren egunean
Lointek Gernikak Spar Girona izango du aurkari saskibaloiko Erregina Koparen final-laurdenetako kanporaketan, astearte honetan egindako zozketaren arabera.
Norgehiagokak Zaragozan izango dira, martxoaren 20tik 23ra, ostegunetik igandera, alegia. Honako hauek dira kanporaketa-partida guztiak:
A eta B kanporaketak ostegunean jokatuko dituzte; C eta D kanporaketak, aldiz, ostiral arratsalde-gau partean.
- A Kanporaketa: Spar Girona vs Lointek Gernika
- B Kanporaketa: Valentzia Basket vs Ozono Global Jairis
- C Kanporaketa: Perfumerias Avenida vs Movistar Estudiantes
- D Kanporaketa: Casademont Zaragoza vs Spar Gran Canaria
Lehen bi kanporaketetako garaileek (A eta B) jokatuko dute lehen finalaurrekoa; bigarrenean, berriz, C eta D kanporaketetako irabazleak lehiatuko dira. Azkenik, finalerdietan nagusi diren taldeen esku egongo da igandeko (martxoak 23) final handian egoteko txartela.
