Italiako Giroa: Eroriko batek garaipena erraztu dio Mark Cavendishi

Mark Cavendish (HTC HighRoad) izan da Italiako Giroko 12. etapako irabazlea. Castelfidardo eta Ravenna artean burutu da 184 kilometroko etapa hau eta Alberto Contadorrek (Saxo Bank) maglia arrosaren jabe izaten jarraitzen du.

Cavendishek bere bigarren etapa garaipena lortu du Giroan eta 4 ordu 17 minutu eta 25 segundo behar izan ditu ibilbidea betetzeko. Bigarren postua Davide Appolloniok lortu du eta Alessandro Petacchi izan da hirugarren. Helmugatik kilometro batera erorikoa izan da tropelean eta lasterketa buruan txirrindulari multzo txiki bat bakarraik geratu da. Horrek garaipena erraztu dio Cavendishi bere taldeak inolako eragozpenik gabe lan egin ahal izan baitu azken metroetan.

Eguneko ihesaldiko protagonistetako bat Miguel Minguez Euskaltel-Euskadiko txirrindularia izan da. Hainbat kilometrotan lasterketa buruan izan da Ricci (Farnese), Golas (Vacansoleil) eta Clement (Rabobank) txirrindulariekin batera, baina esprinterren taldekideek gogor tiratu dute tropelean eta helmugarako 15 kilometro falta zirenean harrapatu dituzte.

12. etapako sailkapena:

1. Mark Cavendish (HTC-Highroad) 4:17:25
2. Davide Appollonio (Sky) d.b.
3. Alessandro Petacchi (Lampre-ISD) d.b.
4. Roberto Ferrari (Androni) d.b.
5. Gerald Ciolek (Quick Step) d.b.
6. Fabio Sabatini (Liquigas-Cannondale) d.b.
7. Manuel Belletti (Colnago) d.b.
8. Mirko Selvaggi (Vacansoleil) d.b.
9. Mark Renshaw (HTC-Highroad) d.b.
10. Manuel Cardoso (RadioShack) d.b.

Sailkapen nagusia:&' || 'nbsp;

1. Alberto Contador (Saxo Bank)
2. Kanstantin Siutsou (HTC-Highroad) + 59
3. Vincenzo Nibali (Liquigas-Cannondale) + 1:21
4. Christophe Le Mevel (Garmin-Cervelo) + 1:28
5. Michele Scarponi (Lampre-ISD) + 1:28
6. David Arroyo (Movistar Team) + 1:37
6. Roman Kreuziger (Astana) + 1:41
8. Jose Serpa (Androni) + 1:47
9. Dario Cataldo (Quick Step) + 2:21
10. Matteo Carrara (Vacansoleil) d.b.
11. Igor Anton (Euskaltel-Euskadi) d.b.

&' || 'nbsp;