Itzulia Women
3. etapa
Volleringek 3. etapa ere bereganatu eta Itzulia Women irabazi du
I. G. | EITB MEDIA
Aurreko etapetan bezala, gainerako txirrindulariak baino askoz gehiago izan da eta bakarrik aurkeztu da helmugan, hiru etapak irabazita.
Demi Vollering (SD Worx) herbeheretarrak irabazi du emakumezkoen Itzuliaren lehen edizioa, hiru etapetan garaipena lortuz eta sailkapen nagusian nagusitasunez gailenduz. Proba euskal errepideetan barrena jokatu da asteburu honetan, nazioarteko tropelaren zati handi batekin.
Lehen bi etapetan, erasora beti, Vollering helmugara aurretik iritsi zen hiru eta bosteko talde txikietan, eta igande honetan Donostiako Boulevardean bakar-bakarrik helmugaratu da, Murgil gaineko azken metroetan eraso jo eta gero.
Etapan, bigarren eta hirugarren izan dira, Liane Lippert belgikarra (DSM) eta Marta Cavalli italiarra (FDJ), seigarren eta laugarren geratu direnak sailkapen nagusian.
3. ETAPAKO SAILKAPENA
1 VOLLERING Demi Team SD Worx 4:01:03
2 LIPPERT Liane Team DSM +0:15
3 CAVALLI Marta FDJ Nouvelle-Aquitaine Futuroscope +0:15
4 FISHER-BLACK Niamh Team SD Worx +0:15
5 VAN ANROOIJ Shirin Trek - Segafredo +0:15
6 MACKAIJ Floortje Team DSM +0:15
7 EWERS Veronica EF Education-TIBCO-SVB +0:15
8 PATIÑO Paula Andrea Movistar Team +0:15
9 LABOUS Juliette Team DSM +0:15
10 ROOIJAKKERS Pauliena Canyon//SRAM Racing +0:15
SAILKAPEN OROKORRA
1 VOLLERING Demi Team SD Worx 10:11:54
2 ROOIJAKKERS Pauliena Canyon//SRAM Racing +0:47
3 FAULKNER Kristen Team BikeExchange - Jayco +1:07
4 CAVALLI Marta FDJ Nouvelle-Aquitaine Futuroscope +1:21
5 LABOUS Juliette Team DSM +1:33
6 LIPPERT Liane Team DSM +1:44
7 FISHER-BLACK Niamh Team SD Worx +1:47
8 MACKAIJ Floortje Team DSM +1:47
9 PATIÑO Paula Andrea Movistar Team +1:50
10 EWERS Veronica EF Education-TIBCO-SVB +1:50
