Txirrindularitza
Ezbeharra
Txirrindulari bat hil da Gordexolan
Erredakzioa
BI-3621 errepidean gertatu da ezbeharra, San Cosmeko jaitsieran. Txirrindularia 'Samu Sánchez' martxa zikloturistan parte hartzen ari zen.
-
Istripua Gordexolan gertatu da. Argazkia: eitbcom
Txirrindulari bat hil da BI-3621 errepidean, Gordexolan, Eusko Jaurlaritzako Segurtasun Sailak jakinarazi duenez.
Antza denez, 09:00ak inguruan gertatu da ezbeharra. Txirrindularia "Samu Sanchez" martxa zikloturistan parte hartzen ari zen, eta San Cosmeko jaitsiera erorikoa izan eta hil egin da.
Anbulantzia bertaratu da istripuaren tokira, eta helikoptero bat ere mobilizatu dute, baina ezin izan dute ezer egin haren bizia salbatzeko.
Oraindik ez dakite erorikoaren ondorioz hil den edo erori aurretik ondoeza izan duen. Datozen orduetan egingo diote autopsia, zer gertatu den argitzeko.
