Txirrindularitza
Plangintza
Movistar Taldea Nafarroan bildu da 2015eko egitaraua zehazteko
ERREDAKZIOA
Jatorri nafarra duen taldea bost egunez arituko da lanean hurrengo denboraldia planifikatzeko, eta ostiralean iragarriko dituzte helburuak.
-
Movistar Taldea Giroan. Argazkia: EFE
Movistar Taldea astelehen honetan bildu da Iruñea kanpoaldean dagoen hotel batean, 2015eko plangintza zehazteko. Topaketak bost egun iraungo du, eta ostiralean iragarriko dituzte erabakitako helburuak.
Jatorri nafarra duen taldeak hurrengo denboraldiaren inguruko solasaldiak, probak, materialak, multimedia ekoizpenak eta txirrindularien egutegiak erabakiko dituzte bost lanegun hauetan.
Talde osoa Gorraitzen batu da, Iruñetik kilometro gutxi batzuetara, astelehen goizean taldeko hainbat kide UCI World Tour 2014 sarien banaketan izan ostean.
