Publizitatea
Itxi

Txirrindularitza

Txirrindularitza

2021/04/01

17:24

Txirrindularitza

Apirilean 11n jokatzekoa zen

Paris-Roubaix lasterketa urrira atzeratu dute, covid-19agatik

L.E.A. | EITB MEDIA

UCIk azaldu duenez, erabakia probako parte-hartzaileen eta arduradunen artean adostu dute, Frantziako gobernuak lasterketa apirilean jokatzea debekatu ostean.

  • Philippe Gilbert, 2019ko irabazlea

    Philippe Gilbert, 2019ko irabazlea. Argazkia: Efe.

  • Whatsapp
  • Whatsapp
  • Telegram
  • Bidali

Paris-Roubaix klasikoa urriaren 2tik aurrera jokatuko dute, eta ez apirilaren 11tik aurrera, hasiera batean iragarri bezala, "covid-19ak eragindako testuinguruaren ondorioz", UCIk eta antolatzaileek aditzera emandakoaren arabera.

Erabakia emakumezkoen lasterketari ere eragiten dio, asteburu berean jokatzekoa baitzen lehen edizioa. Ondorioz, emakumezkoena urriaren 3tik aurrera jokatuko da.

Txirrindularitzako egutegiko klasiko nagusia atzeratzeko erabakia bertan parte duten guztien artean hartutako erabakia da, Frantziako Gobernuak apirilean jokatzea debekatu ostean.

David Lappartient UCIko presidentea gustura agertu da aurtengo Paris-Roubaix jokatu ahal izango delako, eta data berri bat adosteko izan dute gaitasuna goraipatu du, "parte-hartzaileei eta ikusleei dagokionez goi-mailako proba delako".

Christian Prudhomme, lasterketa antolatzen duen ASO enpresaren txirrindularitza saileko arduradunak ere mahai gainean jarri du hainbeste jarraitzaile dituen proba bat jokatzeko aukera izatea, eta emakumezkoen lasterketa ere aurrera ateratzeko modua aurkitu izana.

 

  • Bisitatuena

      Kargatzen ikusiena
      Kargatzen ikusiena