Itxi

Durangoko Azoka 2022

Durangoko Azoka 2022

2021/12/03

07:58

Durangoko Azoka 2022

Online denda

Durangoko Azokako online denda, martxan

EITB Media

Hilaren 7ra arte egongo da zabalik. Azoka aurrez aurre egingo bada ere, iazko online denda mantendu dute antolatzaileek. 56. edizioko 990 nobedadeak eskuragarri izango dira Durangoko Azokako webgunean.

1:12
Online salmenta. EITB Mediaren bideo batetik ateratako irudia.
  • Whatsapp
  • Whatsapp
  • Telegram
  • Bidali

Durangoko Azokaren 56. edizioa aurrez aurre egin ahal izango dute. Gerediaga elkarteak eta Durangoko Udalak, baina, iazko edizioari jarraipen bat egitea erabaki dute. Horrela, aurten ere online denda irekita egongo da Azokako produktuak erosi ahal izateko. Gaur bertan irekiko dute denda eta hilaren 7ra arte, asteartea, egongo da zabalik.

Durangoko Azokako webgunean salgai egongo dira 56. edizioko nobedadeak, guztira, 990. Liburuak, diskoak, ikus-entzunezkoak, komikiak, ipuinak... Nerea Mujika Gerediaga elkarteko presidentearen hitzetan, "etxetik Azokaz gozatzeko aukera ere izango da".

Azoka digitalaz gain, betikoari eutsi diote edizio honetan. Bihar eta abenduaren 8a bitartean, aurrez aurreko azoka egingo dute, Landako Gunean eta Plateruena kafe antzokian. 219 erakusmahai izango dira Landakon, eta Plateruenan disko berrienak aurkeztuko dituzte.

Osasun egoerak baldintzatuta, iaz ezin izan zituzten erakusmahaiak izan Landako Gunean. Ezohiko edizio hartan, denda birtuala izan zen Azokako produktuak erosteko gune bakarra. 2.300 produktu izan zituzten salgai, eta aurreikuspenak "bete eta gainditu" zituzten. Lau egunetan, guztira 7.800 erosketa egin zituzten webgunean, eta 27.758 produktu saldu.

  • Bisitatuena

      Kargatzen ikusiena
      Kargatzen ikusiena
    ;