'Best seller'ek indarra galdu dute

Sektoreko iturriek azaldu dutenez, "best seller" delakoen salmentak %50 egin du behera, Stieg Larssonek eta Ken Folletek milioika ale saltzen zituzten urrezko garaietatik oso urruti. Duela urte asko hasi zen jaitsiera eta 2012an "50 Shades of Grey" izan zen zifra arrakastatsuetan mugitu zen lan bakarra.

"Krisialdia gehiago nabaritzen da gehien saltzen diren liburuen sektorean. 'Best seller'ak sortzeko esfortzu handiak egiten dira eta iaz "50 Shades of Grey" lanak lortu zuen bakarrik", adierazi du Maria Avila Editoreen Gremioko Federazioko presidenteak. Argitaletxeek ez dituzte normalean salmenta datuak eskaintzen eta liburudendek adierazi dute krisialdia salduenen salmentan gehiago nabaritzen dela gainontzeko tituluetan baino.

Aurten, Dan Brownen "Infierno" lanarekin arrakasta handia izatea espero zuten eta emaitza eskasak izan dituzte.

"Merkatua, orokorrean, gainbeheran dago, ez bakarrik "best seller"ena". Krisialdiak efektua du liburuen sektore guztietan, baina salduenek kopuru deigarriagoak dituzte", azaldu du Belen Lopez Planeta argitaletxeko arduradunak.

Lola Larumbe Rafael Alberti liburudenda madrildarreko arduradunak azaldu duenez, 2005etik 2007ra Stieg Larssonen edota Ken Folleten lanen eztanda etorri zen eta ikusmira handiarekin zetozen. Orduan, ale asko saldu zituzten.

Jaitsiera honen arrazoien artean, liburu elektronikoaren zabalkundea, eta deskarga ilegalak gero eta gehiago dira. Halere, beste iturri batzuen arabera, irakurle motak ere zerikusia du, "best seller"ak erosten dituena ez baita oso "fidela".

Arrakasta lortzeko jaio ziren arren, "best seller" delakoek beraien krisialdia dute eta errekorrak sortzera ohituta dauden egileek gero eta gutxiago saltzen dute.