Musika
Iragarpena
The National eta Queens of the Stone Age, Primavera Sound jaialdian
I.U.
Erredakzioa
Belako Gaztearen Maketa Lehiaketako irabazlearen parte hartzea ere iragarri dute antolatzaileek.
Motorrak berotzen hasi da Primavera Sound jaialdia, eta talde berriak iragarri dituzte. The National eta Queens of the Stone Age Bartzelonan izango dira, maiatzaren 29tik 31ra antolatutako musikaren jai handian. Belako talde bizkaitarrak Eurie diskoa aurkeztuko du. Gazteako Maketa Lehiaketa irabazi zuenetik, arrakasta handia lortu du Mungiako laukoteak.
Pixies, Neutral Milk Hotel eta Arcade Fire kartelburuez gain, Trent Reznor Nine Inch Nails, Kendrick Lamar eta Caetano Veloso abeslari brasildarra Kataluniara joango dira udaberrian.
Jaialdiko zuzenekoez gain, beste zenbait ekitaldi ere prestatu dituzte hirian barrena. Maiatzaren 28an, esaterako, kontzertu handi bat aurreikusi dute Forumeko parkean. Besteak beste, Sky Ferreira, Stromae belgikarra eta Temples izango dira entzungai.
