Musika
Berrikuntzak
Diru birtuala, Bime Live jaialdian ordaintzeko modu bakarra
LUZIA ZUGADI | EITB.EUS
Eskumuturreko baten bidez egingo ditu ordainketa guztiak Bime Liveko publikoak. Ez da txanponik onartuko, ilarak saiheste aldera.
Bideoak (1)
BIMEk "cashless" deritzon ordainketa-sistema ezarriko du Bime Live jaialdian, PayPalen eskutik. Hala, kontzertuetara bertaratzen diren musikazale guztiek eskumuturreko baten bidez egingo dituzte ordainketak, ilarak saiheste aldera, batik bat.
Eskumuturreko hori erabiltzeko, publikoak BIMEren sarrerarekin "lotu" beharko du eskumuturrekoa. Horretarako, jaialdiaren aplikazioan eta webgunean dauden jarraibideak bete beharko ditu. Halaber, aukera izango dute eskumuturrekoa BEC erakustazokako txarteldegian bertan diruz hornitzeko.
Laguntza behar izanez gero, jaialdian bertan egongo den informazio gunera jo ahal izango du publikoak. Gainera, jaialdian xahutu ez duten dirua berreskuratzeko aukera izango dute erabiltzaileek leku berean.
