Musika
Ikusi Arte Tour
Berri Txarrakek hamabi kontzertu iragarri ditu euskal gaztetxe eta aretoetan
eitb.eus
Sarrerak bihar, asteartearekin, jarriko dituzte salgai, arratsaldeko bostetan formatu fisikoan soilik. Ez da sarrerarik egongo Interneten.
-
Taldeak hamar lokaletan joko du apirilaren 15etik apirilaren 4ra. Argazkia: Gaizka Peñafiel.
Berri Txarrak taldeak Euskal Herriko hamabi kontzertu areto eta gaztetxetara eramango du Ikusi Arte Tour bira, otsailaren 15etik apirilaren 4ra. Horietako asko “leku bereziak izan dira gure ibilbidean”, taldeak azaldu duenez.
Horrelako lokaletan egindako azken biratik bi urte joan direnean, taldeak agur esango dio bere publikoari Gernikan, Bilbon, Azpeitian, Lekunberrin, Ibarran, Durangon, Ondarroan, Gasteizen, Altsasun eta Hazparnen.
Taldeak erabaki du txartelak tokian tokiko leihatilan jartzea salgai, eta ez Interneten. Beraz, bertan erosi ahalko dira asteartean, otsailaren 5ean, 17:00etatik aurrera.
Salbuespen bakarra Lekunberriko kontzertuarena izango da; izan ere, taldearen etxeko emanaldirako sarrerak erosteko, Mitxausenea kultur etxera joan beharko da.
2.15 GERNIKA @ Astra Gaztetxea
2.19 BILBO @ Kafe Antzokia
2.20 BILBO @ Kafe Antzokia
2.21 AZPEITIA @ Sanagustin Kulturgunea
2.23 LEKUNBERRI @ Frontoia
2.24 IBARRA @ Ibarrako Gaztetxea
3.09 DURANGO @ Plateruena Kafe Antzokia
3.10 DURANGO @ Plateruena Kafe Antzokia
3.18 ONDARROA @ Beikozini Ondarroa
3.19 GASTEIZ @ Jimmy Jazz Gasteiz
3.27 ALTSASU @ Altsasuko Gaztetxea
4.04 HAZPARNE @ Ttattola-Gaztetxea
