Publizitatea
Itxi

2021/04/12

11:53

Musika

Disko berria

Euskadiko Orkestrak "Ravel" diskoa grabatu du, Robert Treviñok gidatuta

N. V. | EITB Media

90 musikarik Ziburuko konpositorearen bederatzi konposizio grabatu dituzte Euskadiko Orkestraren zuzendari titularraren aginduetara.

1:22
Diskoa udazkenean grabatu zuten Kursaalen. EITB Mediaren bideo batetik ateratako irudia.
  • Whatsapp
  • Whatsapp
  • Telegram
  • Bidali

Ondine Records finlandiar diskoetxeak “Ravel” lana kaleratu berri du, Euskadiko Orkestrak Robert Treviño bere zuzendari titularraren esanetara grabatu duen Maurice Ravel konpositorearen lanen bilduma.

Lan horretan, Robert Treviñok Maurice Ravel Ziburun jaiotako maisuaren “euskal nortasuna” aztertu nahi izan du, baita “orkestra honek konpositore horren hizkuntzaz dakiena eta ulertzen duena munduarekin partekatu ere”.

Treviñoren hitzetan: “Euskadiko Orkestrarentzako Ravelen disko oso bat grabatzea erronka handia da. Izan ere, errepertorioa oso-oso ezaguna da eta oso grabaketa onak egin dira. Interpretazio bikainak egin izan dira historian zehar. Beraz, zergatik egin behar dugu? Bada, Oso garrantzitsua iruditzen zait aitortzea Euskadiko Orkestrak lotura estua duela Maurice Ravelen musikarekin”.

“Ravelen musikan murgildu gara eta konpositore magistral hau birpentsatu dugu, agian euskaldunak ez diren orkestrentzat hain nabarmenak ez diren egiak aurkituz. Esperientzia bikaina izan da", Treviñoren iritziz.

Orkestrak Ravelen beste monografiko bat grabatu zuen 2000. urtean. Gilbert Varga orduko zuzendari titularrarekin eta Joaquin Achucarro pianistarekin.

Grabazio hark Ravelen pianorako bi kontzertuak erregistratu zituen pianista bilbotarraren eskutik, baita "Alborada del gracioso" lana ere, zeina oraingo grabazioan berreskuratuko den "La Valse", "Boléro", "Rapsodie Espagnole", "Pavane pour une infante défunte" eta "Une barque sur l'océan"ekin batera.

Grabazioa Kursaal Auditoriumean egin zuten, urrian.

  • Bisitatuena

      Kargatzen ikusiena
      Kargatzen ikusiena
    ;