Musika
Kontzertua
Bob Dylan Baionan ikusteko sarrerak: apirilaren 4an salgai
Bakarlari estatubatuarra Baionako zezen-plazan izango da uztailaren 20an , 21:30ean.
-
Bob Dylan. Argazkia: Artxiboa
Bob Dylan Baionako zezen-plazan izango da, uztailaren 20an, 21:30ean. Bakarlari estatubatuarra FIB jaialdiko kartelburu izango da (The Stone Roses, New Order, Florence and the Machine eta At the Drive-in taldeekin batera arituko da, besteak beste) eta egun batzuk geroago Lapurdiko udalerrian izango da.
Prolymp musika-eragileak jakinarazi duenez, sarrerak apirilaren 4an jarriko dituzte salgai "ohiko puntuetan" eta turismo bulegoan.
