kultura
Murrizketak
Nafarroako Gobernuak Zinema Instituta desagerraraziko du
Erredakzioa
Fundazio kopurua 12tik 4ra murriztu du Gobernuak, 1,16 milioi euro aurrezteko; tartean, Ikus-entzunezko Arteen eta Zinemaren Institutua eta Ondare Historikoa Kontserbatzeko Fundazioa kenduko ditu.
-
Nafarroako Gobernuko bozeramailea (esk) eta Ekonomia, Industria eta Enplegu arduraduna (Efe)
Nafarroako Foru Gobernuak fundazioen kopurua 12tik 4ra murriztea eta bestelako neurriak hartzea erabaki du, urtean 1,16 milioi euro aurrezteko. Desagertuko diren erakundeen zereginak Foru Gobernuaren gainerako sailen esku geratuko dira, "zerbitzu berak merkeago" emateko.
Kulturari dagokionez, Ikus-entzunezkoen Arteen eta Zinemaren Nafarroako Institutua (INAAC) eta Ondare Historikoa Kontserbatzeko Fundazioa desagertuko dira. Ondorioz, bion zuzendariak ere kargutik at utziko dituzte.
Murrizketak Administrazioa argaltzeko prozesuaren barnean kokatu ditu Gobernuak. Helburua, Administrazio "eraginkor eta merkeagoa" egitea da.
