Publizitatea
Itxi

2015/11/01

18:00

Zinema

Azaroaren 6ra bitartean

23 film, Beldurrezko Zinemaren Donostiako Astearen sail ofizialean

Agentziak | Erredakzioa

Terry Jones Monty Phytongo kidearen azken lanak zabaldu du zinemaldia, eta “The Vatican tapes” Mark Neveldineren lanak itxiko du. Gainera, bi euskal film erakutsiko dituzte sail ofizialean.

  • "Curtain" estatubatuar filma ere sail ofizialean

    "Curtain" estatubatuar filma ere sail ofizialean

  • Whatsapp
  • Whatsapp
  • Telegram
  • Bidali

23 film izango dira lehian Fantasiazko eta Beldurrezko Zinemaren Donostiako XXVI. Astearen Sail Ofizialean. Zinema-jaialdia larunbat honetan hasi da, urriak 31, “Absolutely Anything” Terry Jones” Monty Phytoneko kideak eginiko azken lanarekin. Estatuan estreinatu baino sei egun lehenago ikusi ahal izan da Donostian fantasiazko komedia.

Bestalde, “The Vatican tapes” Mark Neveldineren filmak zinemaldia itxiko du datorren azaroaren 6an.

Halaber, sail ofizialeko filmen artean, “Maggie” (Henry Hobson) aipa dezakegu. Melodrama zonbi horretan, Arnold Schwarzenegger ageri da, ohikoak dituen paperetatik urrun dagoen pertsonaia gorpuzten.

Halaber, lehiaketatik kanpo, bi euskal film emango dituzte sail nagusian: “Euskal Harriaren ABDak” Katihotsak Logiaren proposamen barregarri eta beldurgarria eta “La semana (The movie)” Ruben Sainez zuzendutako lana. Doako sarrera izango da ikusle berrienei zinema jaialdiaren nondik norakoak azaltzen dizkien azken lan horren proiekzioan.

Bestalde, dokumental faltsuei errepasoa egiteko eta Wes Craven zuzendaria, genero horretako maisuetako bat, omentzeko tartea ere egingo dute antolatzaileek: “The Hills Have Eyes” (1977) filma emango dute.

  • Bisitatuena

      Kargatzen ikusiena
      Kargatzen ikusiena