Publizitatea
Itxi

2015/11/20

12:44

Zinema

57. edizioa

'Renaître' film laburrak irabazi du Zinebi jaialdiko sari nagusia

eitb.eus

“Amore d'inverno” lanak (Isabel Herguera) Euskal Zinearen Sari Nagusia lortu du, eta “Eco”k (Xacio Baño) espainiar zinemarena; “O teto sobre nós” (Bruno Carboni), film latinoamerikar onena.

  • Whatsapp
  • Whatsapp
  • Telegram
  • Bidali

"Renaître" (2015, Belgika) Jean-François Ravagnan zinemagile belgikarraren fikziozko film labur dokumentalak irabazi du Zinebi Dokumentalen eta Film Laburren Bilboko Nazioarteko Jaialdiaren 57. edizioko Sari Nagusia.

Bestalde, “Amore d'inverno” (2015, Euskadi) Isabel Herguera zuzendariak egin duen 8 minutuko animaziozko lanak irabazi du Euskal Zinearen Sari Nagusia, eta “Eco” (2015, Espainia) Xacio Bañoren dokumentalak, Zine Espainiarraren Sari Nagusia.

Gainera, “O teto sobre nós” (2015, Brasil) Bruno Carboni zinemagilearen film brasildarrak lortu du Film Latinoamerikar Onenaren Saria. Zinebiko aurtengo edizioan, 30 herrialdetako 65 film lehiatu dira Sail Ofizialean.

Itxiera

Jaialdia ixteko ekitaldia Itziar Ituñok aurkeztuko du, gaur arratsaldean, Arriaga Antzokian, 20:00etatik aurrera. Ekitaldian, sari guztiak banatzeaz gain, Ohorezko Mikeldia emango diote Aki Kaurismäki zinemagile finlandiarrari.

57. Zinebiko palmaresa

Bilboko Jaialdiko Sari Nagusia

RENAÎTRE, Jean-François Ravagnan (Belgika)

Euskal Zinearen Sari Nagusia

AMORE D'INVERNO, Isabel Herguera (Euskadi)

Zine Espainiarraren Sari Nagusia

ECO, Xacio Baño (Espainia)

Fikziozko Zilarrezko Mikeldia

REARRANGED, Ewa Górzna (Finlandia)

Fikziozko Urrezko Mikeldia

SOUS LES SOUTANES, Michel Zarazir  (Libano)

Animaziozko Zilarrezko Mikeldia

D'OMBRES & D'AILES, Eleonora Marinoni / Elice Meng (Frantzia/Suitza)

Animaziozko Urrezko Mikeldia

EDMOND, Nina Gantz (Britainia Handia)

Dokumentalen Zilarrezko Mikeldia

SALERS, Fernando Domínguez (Argentina)

Dokumentalen Urrezko Mikeldia

LA IMPRESIÓN DE UNA GUERRA, Camilo Restrepo  (Frantzia/Kolonbia)

Film Latinoamerikar Hoberenaren Mikeldia

O TETO SOBRE NÓS. Bruno Carboni (Brasil)

  • Bisitatuena

      Kargatzen ikusiena
      Kargatzen ikusiena