'Prince of Persia', zinema-aretoetako errege

El príncipe de Persia da aste honetako estreinaldi garrantzitsuena. Gainera, Ben Stillerren Directo a la fama eta Italiako bi filme daude (Guadagninoren Yo soy el amor eta Tornatoreren Baaria. Bestalde, euskal estreinaldi bat dugu, EITBren laguntzarekin:&' || 'nbsp;Jon Garañoren eta Jose Mari Goenagaren 80 Egunean.

Bideojokoen munduko frankizia garrantzitsuenetarikoa da El príncipe de Persia eta zinemaren munduan murgildu da Jake Gyllenhaallen eskutik, milioika dolar eskuratu ditzakeen film batean. Mike Newell Harry Potterren sagatik dator eta El príncipe de Persia:&' || 'nbsp;las arenas del tiempo egin du Ben Kingsley, Alfred Molina eta Gemma Arterton bezalako aktoreekin lan egin du. Kondairaren lehen urratsak aztertzen ditu.

Axun eta Maite berriz elkartzen dira 50 urteren bueltan:&' || 'nbsp;hori da 80 Egunean filmaren argumentua. Erlazio gero eta estuagoa dute eta Axunek arrazoiaren eta bihotzaren artean erabaki beharko du.

Luca Guadagnino zinemagile siziliarrak Yo soy el amor filmatu du Milanen, intentsitate handiko melodrama bat, Tilda Swinton aktore britainiarra da protagonista eta Ricchi familiaren eboluzioa jarraitzen du. Italiako familia boteretsua da eta belaunaldi aldaketa dagoenean, kide bakoitzaren gabezia emozionalak agerian gelditzen dira.

Veneziako zinemaldia ireki zuen 2009an, Baarìa filmaz ari gara. XX. mendeko Italia azaltzen du eta Giuseppe Tornatorek zuzentzen du. Medusa Filmsek ekoizten du, Silvio Berlusconiren inperioaren hedabide batek.

Ben Stillerrek Zoolanderren bideari ekiten dio Directo a la famarekin. Todd Louisoren zuzendaritzapean, gizartearen ospe nahiaz barre egiten du film luzeak. Ben Stiller oso ezaguna izan zen ikasle garaian, baina ez orain:&' || 'nbsp;institutu garaiko irakaslearen laguntzarekin talde berri bat sortuko du.