Zinema
Urriak 25-29
Euskal dokumentalgileen lanaren lagin bat, Gasteizen aste honetan
N. V. | EITB Media
Ostiralera arte, bost dokumental ikusi ahalko dira Vital Fundazioa Kulturunean, doan.
-
Ostegunean, "El Drogas" dokumentala ikusi ahalko da
Euskal Zinema Dokumentalaren VII. Astean, "Norberaren gela", "Aztarnak-Huellas", "Fantasía", "El Drogas" eta "Kuartk Valley" lanak ikusi ahal izango dira gaur, urriak 25, hasi eta ostiralera bitartean, Vital Fundazioa Kulturunean, Gasteizen. Emanaldiak 19:30ean izango dira egunero, eta sarrera doan izango da lekuak bete arte.
'Norberaren gela' lanak irekiko du Astea astelehenean, hilak 25. Ainhoa Urgoitia eta Enrique Rey ditu zuzendari, eta Eulalia de Abaituaren laneko argazki bat oinarri hartuta proiektu propioa egiteko enkargua jasotzen duten hainbat emakumezko argazkilariren istorioa da.
Asteartean, hilak 26, 'Aztarnak-Huellas' Maru Soloresen bigarren film luzea izango da protagonista; asteazkenean, 'Fantasia' Aitor Merinoren pelikula izango da ikusgai; ostegunean, 'El Drogas' Natxo Leuzaren pelikularen txanda iritsiko da; eta ostiralean, Maider Oleagak emango dio amaiera Euskal Zinema Dokumentalaren VII. Asteari 'Kuartk Valley' bere lanaren eskutik.
