Zinema
Fantasiazko zinema
FANTek 'Phenomena Experience' saio bat hartuko du
'Distira' eta 'Evil Dead II: Dead by Dawn' filmak egongo dira ikusgai ostegunean AlhondigaBilbaon. Sarrerak zortzi eurotan eskuratu daitezke.
-
FANT. Argazkia: fantbilbao
Bartzelonan eta Madrilen lortutako arrakastaren ondoren, Nacho Cerdá zuzendariaren ekimena den Phenomena Experience, ostegun honetan helduko da Bilbora, arratsaldeko 19:45etatik aurrera, Bilboko Zinemaldi Fantastikoaren -FANT 18ren, egoitza nagusia izango diren Golem Zine aretoetara. Sarrerak zortzi eurotan eskuratu daitezke, BBKren webgunean.
‘Phenomena Experience’ saioan, beldurrezko zinemaren bi lan garrantzitsu eskainiko dituzte: Distira (Stanley Kubrick) eta Evil Dead II: Dead by Dawn (Sam Raimi).
Bestalde, "FANT Erreskatean" zikloaren barruan, astearte eta asteazkenean, 17:30etik aurrera, The Ring (1965) eta The Cannibal Man (1972) kalitate handiko film espainiarrak eskainiko dituzte.
432 film jaso dituzte aurtengo edizioan, mundu osotik, aurreko urtean baino 100 gehiago.
