Zinema
ETBren lankidetzarekin
'Dragoi ehiztaria': Euskaraz filmatu den pelikularik garestiena
Erredakzioa
Angel Amigoren ekoizpena da, eta Patxi Barcok zuzendu du. Hego Amerikara alde egingo duen ETAko kide baten istorioan murgildu da Asier Hormaza. Ostiral honetan estreinatuko dute.
Ostiral honetan iritsiko da zinema-aretoetara Dragoi ehiztaria, euskaraz filmatu den pelikularik garestiena. Angel Amigoren ekoizpena da, eta Patxi Barcok zuzendu du. Protagonista, berriz, Asier Hormaza da, Hego Amerikara alde egingo duen ETAko kide bat. Hala, borroka politikoan indarkeria erabiltzearen inguruko hausnarketa pantaila handira darama filmak.
ETA politiko militar desegin ondoren, Gorka bertako kideak Latinoamerikara egingo du bidaia, han Nikaragua eta El Salvadorrekin gatazketan borrokan jarraitzeko.
Lanaren abiapuntua haur baten galdera bat da: Bere aitak zer egin duen galdetzen dio haurrak bere buruari. Angel Amigoren gertuko benetako bizipen batean dago oinarrituta filma, baina ez da lan autobiografikoa.
"Zauriak ixten hasi diren honetan, puzzlearen pieza guztiak jartzeko garaia da'', esan du Amigok. ''Atzera begiratu eta gertatutakoaz hausnarketa handia egin behar da'', ekoizlearen hitzetan.
Euskaraz filmatu den pelikularik garestiena
2,5 milioi euroko aurrekontua izan du 'Dragoi ehiztaria' lanak, euskaraz filmatu den pelikula batek inoiz izan duen handiena. Besteak beste, ETBren laguntzarekin ekoitzi da. Jatorrizko bertsioan (azpitituluekin) eta gaztelaniara bikoiztuta estreinatuko dute.
