Zinema
Estreinaldia
'Dragoi ehiztaria' filmetik bereizi du bere burua zuzendariak
Erredakzioa
Patxi Barcok esan duenez, “ezin dut produkturearen bihar estreinatuko den filmaren kopia onartu”, “bere ikuspuntu artistikoa eta teknikoa errespetatzen ez dituelako”.
Informazio gehiago (1)
Patxi Barco Dragoi ehiztaria pelikularen zuzendariak gaur estreinatuko duten filmaren kopiatik erabat bereizi du bere burua. "Ezin dut produktoreak estreinatuko duen pelikularen kopia onartu", esan du zuzendariak.
Barcok ohar batean azaldu duenez, kopiak ez du bere ''ikuspuntu artistikoa eta teknikoa'' errespetatzen,eta, zuzendariaren ustez, kalte egiten moralki, pertsonalki eta profesionalki. Gaur iritsiko da Dragoi ehiztaria zinema-aretoetara, eta, Barcoren hitzetan, Zurriola Group Entertainment izango da zinema-aretoetan ikusgai izango den lanaren arduraduna.
Borroka politikorako indarkeria erabiltzearen inguruko hausnarketa egiten du Angel Amigoren filmak (lanaren ideia eta gidoia bereak dira), Hego Amerikako gerrillatan sartutako ETAko militante baten ibilbidearen bitartez.
