Publizitatea
Itxi

Zinemaldia

Zinemaldia

2014/09/24

18:59

Zinemaldia

Donostia sariduna, 1989an

Donostia Bette Davis 'azken izar handiari' begira, 25 urte geroago

Erredakzioa

“Bette Davisen azken agurra” Zabaltegin emango duten filmak estatubatuar izar handiak Donostiara duela 25 urte, hil baino bi aste lehenago, eginiko bisita biziberritzen du.

2:23
  • Whatsapp
  • Whatsapp
  • Telegram
  • Bidali

Pedro Gonzalez Bermudezen, "El último adiós de Bette Davis" estatubatuar aktoreak 1989an Donostian pasatu zituen egunei buruzko dokumentalaren egilearen, ustez, “azken izar handia” izan zen Davis. “Hollywoodeko izar kontzeptua asko aldatu da; egun ez dago jadanik beste maila batean dagoen izarrik”, esan du 2012an “Regresoa a Viridiana” lanagatik film labur dokumental onenaren Goya saria irabazi zuen zuzendariak.

Zinemaldiak inoiz hartu duen bisita garrantzitsuenetakoa kontatzen du “El último adiós” de Bette Davis”ek; Gipuzkoako hiriburuan Donostia Saria jaso eta hamabost egunera, Bette Davis hil egin zen, Parisko ospitale batean, “bitarteko amerikarrekin eta inguruko dena amerikarra zela”, Kathryne Sermak haren laguntzaileak dokumentalean azaltzen duenez.

"Sermak alaba bezalakoa zen, Bette Davisen oinordekotzaren arduraduna, eta nire lanean parte hartzea nahiko zaila izan zen, baina nabarmen harritu zuen bere garaian Donostiak zelan hartu zuen Davis zena. Horregatik hartu zuen parte, hunkituta baitzegoen 25 urte geroago jendeak Bette Davis horren maitekiro gogoratzeaz”, adierazi du Gonzalezek.

“Orduan, jaialdiak ez zuen egun duen maila; are gehiago, inork ez zuen uste gonbita onartuko zuenik. Handia izan zen: egun herri batean jaialdi bat antolatu eta Tom Cruise joatea bezalakoa”, erantsi du.

Gonzalezek azaldu duenez, “Bette Davis biziberritu egin zuen omenaldiak, diva-tzat hartu zutelako”.

“Davis jakitun zen Donostia Saria hartzeko ekitaldia jendaurreko azken agerpena izan litekeela, baina borrokalari handia zen, eta ez zuen etsi. Inoiz etsi ez zuela uste dut”, jakinarazi du zuzendariak.

  • Bisitatuena

      Kargatzen ikusiena
      Kargatzen ikusiena