Alaves-Eibar, zuzenean, ETB-1en eta eitb.com-en

Zuzeneko bi kirol emanaldi osatuko dituzte ETB-1ek eta eitb.com-ek gaur: 17:00etan, Bigarren B Mailako Alaves-Eibar partida eta 19:15ean, Endesa Ligako Lagun Aro GBC-Blancos Rueda Valladolid neurketa. Xabier Andueza, Juanan Larrañaga eta Joseba Urkiola izango dira berriemaile lehenengoan eta Asier Aranguren, Josean Aldalur eta Juan de la Vega bigarrenean.

Horrez gain, futbol jardunaldiaren errepasoa egingo du Txemi Galarragak 'Gol Festa' saioan. 21:00etan Malaga-Athletic partidari erreparatuko diote bereziki eta 23:50ean Osasuna-Zaragoza neurketari.

Areto futbola eta erremontea ETBKn

ETBKn beste bi emankizun nabarmendu ditzakegu. Batetik, 17:30ean, Bartzelona-Azkar Lugo areto futbol norgehiagoka izango da ikusgai, Xabier Andueza eta Juanma Ordozgoitiren eskutik. Bestetik, 22:30ean, erremonteari egingo diote tartea, arratsaldean Hernaniko Galarretan jokatutako Urriza-Zubiri / Etxebarria IV-Ion partida eskaintzeko. Iñigo Aiestaranek eta Mikel Aierbek egingo dute kontakizuna.