telebista
Kirol emanaldiak
Budivelnik Kiev-Uxue Bilbao Basket, zuzenean ETB-1 eta eitb.com-en
A.H.
EITB
Horrez gain, bi txirrindularitza emanaldi eskainiko dira: Kataluniako Voltaren hirugarren etapa eta Dars Door Vlaanderen, Flandriako itzuli klasikoa.
Uxue Bilbao Basket taldeak jardunaldi historikoa jokatuko du asteartean Budivelnik Kiev taldearen kontra, izan ere, Eurocupeko finalerako pasea du jokoan, bilbotarren lehenengo Eurkopa finala izan daitekeena. Finalaurreko joaneko partida Kiev-en jokatuko dute astearte honetan, eta Euskal Telebistak zuzenean eskainiko du 18:30etik aurrera, Asier Aranguren eta Josean Aldalurren kontakizunarekin. eitb.com-eko erabiltzaileek ere emanaldia zuzenean jarraitzeko aukera izango dute.
Txirrindularitza
Horrez gain, Kataluniako Voltaren hirugarren etaparen zuzeneko emanaldia eskainiko da, 15:30etik aurrera. Vidreres eta Vallter herrien arteko 180 kilometroko etapa izango da, eta Alfontso Arroiok eta Xabier Usabiagak egingo dute emanaldiaren gaineko kontakizuna.
Ondoren, Belgikako Flandria eskualdean jokatxen de Dwars Door Vlaanderen itzuli klasikoaren berri emango du Fermin Aramendik, arratsaldeko 17:00etatik aurrera.
