telebista
Larunbatean
Frantziako Tourra eta estopadak, larunbatean, ETB eta eitb.com-en
A.A.
EiTB
Frantziako Tourreko 8. etapa eta San Miguel Ligako Nauta Sanxenxo Bandera zuzenean emango dira.
Bideoak (1)
Larunbateko kirol programazioan zuzeneko bi emanaldi ditugu: Frantziako Tourra, 14:10etik aurrera ETBKn eta 14:55etik aurrera ETB1en, eta San Miguel Ligako estropadak, 18:00etan, ETB1en. Bi emankizunak ere zuzenean jarraitu ahal izango dira eitb.com atarian.
Frantziako Tourra Pirinioetara iritsiko da 8. etapan. Helmuga kokatuta dagoen AX3 Domaines mendateaz gain, Col de Pailhères gaina ere igo beharko dute txirrindulariek. Ohi denez, Fermin Aramendik, Xabier Usabiagak eta Pedro Mari Goikoetxeak egingo dute kontakizuna.
18:00etan, Galiziako Xanxenso herriarekin egingo dute bat. San Miguel Ligako laugarren jardunaldia jokatuko da bertan. Mikel Olazabalek eta Ibon Gaztañazpik emango dute estropadaren berri.
Azkenik, 20:20ean, erremonteari eskainitako tartean, Iñaki Lizasok Koteto Ezkurrari buruz buruko txapela irabazi zioneko partida (2000. urtekoa) eskainiko da. Hain justu, Doneztebeko atzelariak bere azken partida jokatuko du igande honetan Huarteko Euskal Jai Berri pilotalekuan, Sanferminetako torneoaren barruan.
