telebista
20:30ean
Euroligako Armani Milan-Laboral Kutxa, zuzenean ETB1en eta eitb.com-en
A.H.
EITB
Armani Milan eta Laboral Kutxa taldeen arteko norgehiagoka eskainiko dute ETB1ek eta eitb.com-ek. Horrez gain, Tolosan jokatuko den binakako pilota txapelketako partida, zuzenean.
Gaur iluntzean, Armani Milan eta Laboral Kutxa taldeen arteko norgehiagoka eskainiko dute ETB1ek eta eitb.com-ek, Milandik zuzenean. Xabier de la Fuentek eta Josean Aldaurrek egingo dute Euroligako Top 16 faseko hirugarren jardunaldiko partidaren kontakizuna, 20:30ean hasita.
Ondoren, Tolosako pilota jaialdia eskainiko dute zuzenean, 22:15etik aurrera. Jardunaldiko lehenengo partida, Mendizabal III-Tolosa eta Victor-Untoria bikoteen artekoa izango da. Ondoren, Bengoetxea-Ibai Zabala eta Ezkudia-Zabaleta bikoteek binakako txapelketan neurtuko dituzte indarrak. Xabier Euzkitze, Joxan Tolosa eta Koldo Aldalur arituko dira bertan esatari lanetan. Partida horiek ere zuzenean eskainiko dituzte ETB1ek eta eitb.com-ek.
