telebista
Gaur
Irujo eta Retegi Biren arteko Buruz Buruko finala, zuzenean
A.A.
EiTB
San Miguel Ligaren lehen estropada ere zuzenean jarraitu ahal izango da ETB1en eta eitb.com-en.
Informazio gehiago (1)
ETB1ek eta eitb.com-ek zuzenean eskainiko dute Juan Martinez de Irujok eta Julen Retegik gaur jokatuko duten Buruz Buruko finala. Arratsaldeko bostetan hasiko da emankizuna Atano III.a pilotalekutik, Xabier Euzkitze, Joxan Tolosa eta Elena Azpeitia esatariek gidatuta. Atariko partidan, Saralegi-Ladis Galartza eta Altuna III-Merino II izango dira aurrez aurre. Hirugarrenean, berriz, Rico IV.ak eta Iturriagak Jakaren eta Merinoren aurka neurtuko dituzte indarrak.
Eguneko bigarren arreta gune nagusia Bartzelonan izango da, aurtengo San Miguel Liga abian jarriko baita, Euskadi Basque Country Banderarekin. Mikel Olazabal eta Ibon Gaztañazpi zuzenean arituko dira Bartzelonatik, ETB1en eta eitb.com-en 12etatik aurrera ikusi ahal izango den emankizunean.
ETB1eko kirol eskaintza herri kirolek osatuko dute: hilaren 21ean Leioan jokatutako Euskadiko Sokatira Txapelketan gertatukoaren berri emango du Juanan Legorburuk.
Bestalde, ETBKn lau emanaldi izango dira:
12:30ean, afizionatuen pilotaren tartea zabalduko dute, bezperan Zumarragan jokatutako Binakako Euskadiko Txapelketako finalak eskaintzeko.
14:30ean, goizean Portugaleten jokatutako waterpoloko Nazioarteko Sariko bi partida: Frantzia-Errusia eta Espainia-Grezia.
20:15ean, palako Promozio Txapelketako finala: Ibai-Leiba / Becass-Chatellier.
21:15ean, zesta puntako Bilboko Torneoko ¾ posturako Olha-Del Rio / Arbe-Suso neurketa.
