Bankoa-DV Txapelketako finalak, gaur, zuzenean ETB1en eta eitb.eus-en

Bankoa-DV Txapelketako finalak zuzenean eskainiko ditu ETB1ek gaur arratsaldean, bostetatik aurrera. Zumarragako Beloki pilotalekutik zuzenean arituko zaigu Iñigo Aiestaran kazetaria. Emanaldia eitb.eus-en ere jarraitu ahal izango da.

Aurretik, 16:00etan, larunbatean Gasteizen jokatutako Gabonetako Aizkora Saria izango da ikusgai. Juanan Legorburuk egingo du kontakizuna Joxe Etxebeste lagun duela.

Kirol eskaintza osatzeko, 23:15ean, Euskal Selekzioaren historia biltzen duen 'Herri baten ametsa' izeneko erreportajea eskainiko da. Joseba Urkiolak osatu duen bilduma honek protagonista izan direnen testigantzak biltzen ditu: Jose Angel Iribar, Xabier Azkargorta, Joseba Etxeberria eta Mikel Aranburu, besteak beste. Zuri-beltzeko irudietatik hasi eta belaunaldi berrietako azken partidetara gertatutakoa biltzen du saioak.