telebista
Gaur
Baionako besten hasiera ekitaldia, zuzenean, ETB1en eta eitb.eus-en
EITB
Ilaski Serranok eta Joseba Olagaraik gidatuko dute emanaldia 21:30etik aurrera.
Bideoak (1)
Gaur, ETB1ek eta eitb.eus webguneak Baionako besten hasiera ekitaldia eskainiko dute zuzenean. Ilaski Serranok eta Joseba Olagaraik gidatuko dute emanaldia Baionako Herriko Etxetik.
EiTBren eskutik zuzenean jarraitu ahal izango dugu Leon erregearen etorrera eta Herriko Etxeko balkoi nagusitik egiten den giltzen jaurtiketa. Ohi denez, hiru giltza handi botako dira plazan dagoen jendetza artera, Baionako hiru auzoak ordezkatzen dituen giltzak, egun horretatik aurrera herriko agintea baionarren esku geratzen dela irudikatuz.
Gonbidatu bereziak
Ilaskik eta Josebak gonbidatu bereziak izango dituzten zuzeneko saio berezia honetan. Hasteko, Bixintxo Bilbao pilotari ziburutarra izango dute solaskide. Bixintxo aurtengo Frantziako txapelduna da esku pilotan, eta kirol munduaz ez ezik, bestaren inguruan ere nola ibiltzen den galdetuko diote.
Bestetik, Izarrak musika taldeko Celine Bidart kantaria izango dute gonbidatu, azaroan grabatutako zuzeneko diskoaren inguruan arituko dira berarekin, eta zuzenean ere kantatuko du zerbait.
Eta nola ez, Franck Dolosor lankidea ere izango dute lagun saio berezi honetan. Senperearrak Baionarekiko duen lotura eta Baionako besten historia nondik datorren azalduko du.
Horrez gain, Unai Etxabek egindako zenbait erreportaje eskainiko dira. Horietako batean, Baionako parajerik esanguratsuenak ezagutzeko aukera izango dute Iban Ithurbide baionar dantzariaren eskutik. Egunean zehar Baionan izandako ekitaldien berri ere emango du Unaik, Munduko piper-tortila lehiaketarena, adibidez.
z.