Esketx berriak eta egoera dibertigarriak, gaur, 'Vaya Semanita'n

Gaur gauean, 'Vaya Semanita' saioak esketx eta egoera dibertigarri berriak eskainiko ditu Cupo o Trato atalean, eta egun-eguneko gai politiko eta sozialen gaineko parodia egingo du.

Japoniarren erara antolatutako 'agurren greba' egingo du Ertzaintzak, eta 'La megaoperada' izeneko pertsonaia Ciudadanos alderdiaren hautagai bezala aurkeztuko da. Horrez gain, La isla de los tesoreros filmaren estreinaldian izango dira, eta Pujol familiako kideak 'Govern Family' telesail berriaren protagonista izango dira. Amaitzeko, Bertin Osbornek Josu Urrutia Athleticeko presidentea bisitatuko du San Mameseko palkoan.

'Vaya Semanita' ostegunetan izaten da ikusgai, 22:30etik aurrera, ETB2n.