telebista
Abenduaren 5ean
'Goenkale': Leok pilulak aurkituko ditu Ibiren poltsan!
EITB
Leok Ibiren mozkorraren errua Itxasori botako dio. Kubatarrak ezin du sinetsi nola edan zituen hainbeste garagardo bera konturatu gabe.
-
'Goenkale'. Argazkia: EITB
Aliziaren eta Inesen sekretua argitara aterako da. Alizia nahigabetuta dago eta, nahi gabe, Iboni Aitor Gorrotxaren kasua argitzen lagunduko dio.
Inesek Ernesto bere aita dela jakingo du. Ama Paresik gertatutakoa kontatuko dio Ernestori.
Manexek lapurretagatik espetxe zigorra bete beharko du. Joana arduratuta dago Manexi zerbait txarra gerta dakiokeelako.
Leo ere kartzelara joateko beldur da ARTESA auzia dela eta. Kandidorekin hitz egingo du Aliziak bere aurka jarrita daukan salaketa ken dezan.
Lukasek eta Germanek enegarren eztabaida izango dute, Germanek makina baten salmentari boikota egin diola jakitean. Germanek Ernesto ez dela fidatzekoa ikusarazi nahi dio Lukasi. Semeak ez dio sinesten. Semearekin izandako eztabaidaren ondoren, German ondoezik sentituko da.
'Goenkale' astelehen eta astearte gauetan izaten da ikusgai, 22:10etik aurrera, ETB-1en.
