Unda, gaur gauean, "El Conquis" eztabaidan

Gaur gauean, Unda izango dute "El Conquis" saioko platoan, eta duelua uztera bultzatu zuten arrazoiak azalduko ditu. Bestalde, Leire Juanes erreportariak, kalean, Undaren erabakia zer iruditu zitzaion galdetuko dio jendeari.

Bien bitartean, Los Haitisesen, Bego eta Herrantxi Cuyaya kanpamendura itzuli beharko dira. Askorentzat bera zen aurten ikurrina altxatzeko txartel gehien zituen hautagaietako bat, eta seguru bere erabakiak ezustean harrapatuko dituela. Bego eta Herrantxiren itzulera nolakoa izan zen ikusiko dugu, azken hau, gainera, mundu guztiak galtzaile bezala ikusten zuen duelu baten irabazle bezala. Bergarakoa garaile itzuliko da, baina belaunean min hartuta, eta Herrantxik berak azalduko du nola dagoen une honetan.

Bien bitartean, Enekoren Cacata taldea kanpamentu aberatsean indarraz beteko da. Han dago Maialen, lehengo talde berdeko "ardi beltza". Badirudi orduak bere lankide ohien ondoan eman beharrean, Aitor eta Leirerengan (antzineko talde urdineko kideak) babesa aurkitu duela. Hain zuzen ere, Leirek asko hitz egin du Maialenen gaiaz, eta bere erara egin du: zuzenean eta aho bizarrik gabe. Asteazkenean, Maialenekin gertatzen denari eta berdeei buruzko Leireren bertsioa entzun ahal izango dugu esklusiban. Hitz horiek hautsak harrotu ditzakete.

Etapa berri honetako lehen taldekako jokoa erortzear dago. Asteazkenean taldeek gutunak nola jasotzen dituzten ikusiko dugu eta Cacata eta Cuyaya taldeak zein jokorekin estreinatzen diren jakingo dugu. Aste honetan beste lehiaketa bat hasiko da: publikoaren faboritoarena eta asteazkenean lehen kanporatuak zerrendatik eroriko dira.

Conquis komunitatea ere izango da protagonista, Oizeder Mayo eta Isma Pereirari esker, Gaztea Connection saioan. Oraingoz, Twitterren eta Instagramen erantzun diezaiokezue asteko galderari: "Nor duzu gustukoen: Eneko ala David?". Mikel, Juanito, Seleta, Manu, Jenny, Durana, Eider eta Isa ere busti beharko dira.

Immunitate-joko berri eta zirraragarria, Leirek "Maialen" kantuaren inguruan egindako adierazpen sutsuak, Undak abentura bertan behera uzteko izan zituen arrazoiak eta "El Conquis"eko gau baterako inoiz ikusi ez den material asko, inori hutsik egingo ez diona. Gaur gauean, ETB2n eta eitb.eus-en, 22:30ean.