telebista
Lehiaketa
Asteartean emango dira ezagutzera 'Lokaleroak' saioaren irabazleak
A.H.
EITB
Saloura bidaia eta sagardotegian bazkaria, bi lokal irabazleentzat.
-
Zornotzako lokala. Argazkia: EITB
Hamabi astetan zehar ETB-3ko 'Lokaleroak' saiotik igaro diren lokal guztien artean 15ek baino ez zuten finalera pasatzea lortu. Orain Final Handia ospatzen ari da eta, urtarrilak 17tik 24ra, eitb.com-en irekita dagoen bozketak erabakiko du zeintzuk izango diren irabazleak. Botoa emateko epea astearte honetan, urtarrilaren 24ean, amaituko da eta Gaztea irratiko 'Dida' saioan iragarriko da irabazleen izena asteartean bertan.
Bi sari potolo banatuko dira, Saloura bidaia eta Olaizola Sagardotegian hamar lagunentzako bazkaria. Bestalde, final handirako bere botoa eman dutenen artean ere opari berezi bat banatuko da, Urdaibain kokatuta dagoen Muruetako Ibaigune Hotelean bi gaueko egonaldia, hain zuzen. Bozketa gori gori dago: 'Lokaleroak' saioak eitb.com-en duen atariak 100.000 orrialde bisitatu eta lokalen bideoen 60.000 bisita lortu ditu.
Final Handia
Erabiltzaileen artean boto gehien lortu zituzten 15 lokalak sailkatu ziren final handirako eta oraingoan ere, eitb.com-eko erabiltzaileek euren botoekin erabakiko dute zeintzuk izango diren lokal irabazleak. Urtarrilaren 17an hasi zen botoa emateko epea eta hilaren 24ean, astearte honetan, itxiko da bozketa goizeko 08:00etan. Berehala Gaztea irratiko 'Dida' saioak emango du irabazleen izena goizeko 08:30ean eta eitb.com-en ere iragarriko da.
Finalera Euskal Herriko leku ezberdinetako lokalak iritsi dira: Zornotza, Bilbao, Gernika, Sestao, Galdakao, Eibar, Tolosa, Basauri, Bermeo, Lezo, Algorta eta Ondarroakoak.
Sariak
Alde batetik, boto gehien jaso duten gazteek Saloura bidaia lortuko dute, Eroski Bidaiak agentziaren eskutik. Hain zuzen ere, lau izarreko Vil La Romana hotelean eta mantenu-erdian 10 lagunentzako asteburu bateko egonaldia irabaziko dute. Bestalde, bigarren saria lortzen duen lokalak Olaizola Sagardotegian hamar lagunentzako bazkaria eskuratuko du.
Bere botoa final handirako eman dutenen artean ere hirugarren sari bat banatuko da, Urdaibain kokatutako dagoen Muruetako Ibaigune Hotelean bi gaueko egonaldia.
