telebista
Emanaldi berezia
Arabako Bertsolari Txapelketako finala, gaur, zuzenean, EITBn
EITB Media
Gasteizko Europa biltzar jauregian jokatuko den finala 17:30etik aurrera izango da ikusgai ETB4n eta eitb.eus-en eta entzungai Radio Vitorian. Azken buruz burukoa eta sari banaketa ETB1en izango da ikusgai.
-
Arabako Bertsolari Txapelketako finala, zuzenean, EITBn
Larunbat honetan jokatuko den Arabako Bertsolari Txapelketako finala zuzenean jarraitzeko aukera izango da ETB4n, eitb.eus-en eta Radio Vitorian 17:30etik aurrera. Azken buruz burukoaren eta sari banaketaren emanaldia ETB1en eskainiko da 21:00etan.
Iñaki Viñaspre, Manex Agirre, Oihane Perea, Paula Amilburu, Peru Abarrategi eta Xabi Igoa arituko dira nor baino nor gehiago Gasteizko Europa biltzar jauregian,
Ilaski Serranok egingo du finalaren zuzeneko kontakizuna Manu Bendala bertsolariarekin batera telebistan. Radio Vitoriako emanaldia Kaitin Allendek gidatuko du.
