albistea
Larunbatean, zuzenean
Euskal Herria-Eslovakia futbol partida, ETB-1 eta eitb.com-en
A.A.
EITB
ETBKn esku pilota, zaldi jauziak eta pala izango dira ikusgai.
-
Euskal Selekzioko afizioa. EITB
Euskal Herria eta Eslovakiaren arteko emakumezkoen futbol partida zuzenean eskainiko dute ETB-1 eta eitb.com-ek larunbatean. Ander Txintxurretak eta Xabier Anduezak egingo dute kontakizuna Anoeta estadiotik.
Bestalde, ETBKn hiru kirol emanaldi izango dira: goizean, 12:30etik aurrera, ETB Kantxa Torneoko lehen finalerdiak izango dira ikusgai, lehendabizi gazteen mailakoa eta ondoren nagusiena. Iñigo Aiestaranek Juan Luis Ubera izango du lagun komentarioak egiteko.
18:00etan, Pedro Mari Goikoetxeak Madrilgo zaldi jauzi txapelketaren berri emango du eta 22:30etik aurrera, Bizkaia pilotalekuan jokatutako pala torneoko finala emango da: Fusto-Skufca / Gaubeka-Larrinaga. Iñigo Aiestaran eta Mikel Aierbe izango dira berriemaile.
