albistea
Igandean
Buruz Buruko finala, zuzenean, ETB-1 eta eitb.com-en
A.A.
EITB
Hitzordu garrantzitsuaren jarraipen zehatz egingo dute kirol erredakzioko lankideek, eguerdiko albistegietan hasi eta gauera arte.
-
Olaizola eta Martínez de Irujo. EITB
Aimar Olaizolak eta Juan Martinez de Irujok jokatuko duten buruz buruzko txapelketako finala zuzenean eskainiko dute ETB-1ek eta eitb.com-ek. Telebistako emanaldia 16:45ean hasiko da, baina hitzordu garrantzitsu honen inguruko berriak adi-adi jarraituko dituzte 'Gaur Egun' eta 'Teleberri' albistegiek ere, eguerdikoek zein gauekoek.
Xabier Euzkitzek eta Joxan Tolosak egingo dute Bizkaia pilotalekuko jaialdiaren zuzeneko kontakizuna. Koldo Aldalur eta Elena Azpeitia arduratuko dira elkarrizketak egin eta giroaren berri emateaz.
Olaizola II.aren eta Irujoren arteko partidaren aurretik eta ondoren binakako bi neurketa jokatuko dira: Lemuno-Iza / Mendizabal III-Cecilio eta
Berasaluze VIII-Beroiz / Xala-Laskurain.
ETB Kantxa Torneoa eta Euskadiko Sokatira Txapelketa
Goizean, 12:30ean hasita, afizionatuen ETB Kantxa Torneoko bigarren finalerdien ingurukoak kontatuko dituzte Iñigo Aiestaran eta Juan Luis Uberak ETBKn.
Arratsaldean, 15:45ean, bezperan Leitzan jokatutako Euskadiko Sokatira Txapelketa (640 kg.) izango da ikusgai ETB-1en, Juana Legorbururen eskutik.
