Ahotsak
22:00etan
Hiru abesbatza lehiatuko dira gaurko 'Ahotsak' saioan, Hernanin
EiTB
Landarbasoko Dizdizka abesbatzak (Errenteria), San Anton abesbatzak (Bilbo) eta Kimetz abesbatzak (Algorta) parte hartuko dute.
Informazio gehiago (2)
Julian Iantzik eta Hibai Etxebarriak aurkezten duten 'Ahotsak' saioa Hernanin izango da gaur gauean. Bertan, hiru abesbatza ikusiko ditugu nor baino nor gehiago: Landarbasoko Dizdizka abesbatza (Errenteria), Bilboko San Anton abesbatza eta Algortako Kimetz abesbatza.
Taldeek Hibai Etxebarria musikan adituaren aurrean bi abesti eskainiko dituzte, beraientzat esanguratsua eta estetikoki erakargarria den kokaleku batean. Puntu gehien lortzen duen abesbatza izango da garailea, eta zortzi saioetako irabazleak Donostiako finalean elkartuko dira. Bertan jakingo da nor den 'Ahotsak' saioko koru garailea.
'Ahotsak' astelehenean izango da ikusgai, 22:00etan, ETB1en eta eitb.eus-en.
