Bago!az
09:00etan
'Bago!az' lehiaketa gaur gauean ere izango da ikusgai ETB1en eta eitb.eus-en
A.E.|EiTB
'Go!azen' telesailaren egun eta ordu berean ikusi ahal izango da Zuriñe Hidalgok aurkezten duen saioa. Aste honetako atalean, Iholdi Beristain arituko da, telesaileko aktoreen ordezkari.
Informazio gehiago (1)
'Bago!az' ETB1eko talentuen lehiaketaren bigarren edizioa hasi da. 'Go!azen' telesailaren egun eta ordu berean (ostiraletan, 21:00etan) izango da ikusgai Zuriñe Hidalgok aurkezten duen musika lehiaketa musikala. Izan ere, bi saioak harremanetan daude, lehiaketako irabazlearen saria telesailean aktore gisa aritzeko aukera izango baita.
Aurten 32 lehiakide arituko dira nor baino nor gehiago epaimahai berezi eta sonatuaren aurrean. Euskal Herri osoko artista gazteak bildu dituzte. Elkarrekin lehian arituko dira 'Bago!az'eko partaideak oholtza gainean, eta bakoitzak ospetsu bat izango du bikotekide.
Aurreko denboraldian bertan egon ziren Anjel Alkain, Karmele Larrinaga, Xabier Saldias, Ylenia Baglietto, Maria Amolategi eta Alex Sardui izango dituzte lagun lehiakideek, eta Revolta Permanent taldeko Iker Villa izango da oraingoan horiekin batera. Horrez gain, lehen aste honetan, Iholdi Beristain iazko 'Bago!az' lehiaketako irabazlea eta 'Go!azen'en Naiaren papera egin duen aktorea izango dute lagun.
Lehen saioan emanaldi bikainak izango ditugu: Freddie Mercury, Shakira, Mick Jagger, Benito Lertxundi, Nogen, Mikel Urdangarin, Camila Cabello, Glaukoma...
Astero, aipatutako famatu batek lehiakide bati lagunduko dio. Bere gisa egingo du eta alderdi ezberdinak landuko dituzte, lehiakidea benetako showmana edo show-womana bihur dadin.
Hiru fase ditu lehiaketak. Fase guztietan coach-ek lehiakideekin batera abestuko dute, eta, ondoren, coach-epaile hauek izango dute hautatuak aukeratzeko ardura. Lehen fasean elkarrekin lehian hasiko diren 32 lehiakideetatik 16 pasatuko dira bigarren fasera. Hirugarrenean, berriz, zortzi lehiakide hasiko dira eta atal bakoitzean bat joango da kalera. Hartara, hiru lehiakide iritsiko dira final handira, eta elkarren aurka lehiatuko dira 'Go!azen' telesailean aktore nagusi bilakatzeko.
Asteko lehen emisioa asteazkenetan izango du 'Bago!az' lehiaketak, 22:30ean, eta ostiraletan ere izango da ikusgai, 21:00etan, ETB1en eta eitb.eus-en.
