"Beti esan izan dut bordeak gustatzen zaizkidala. Jende hori beti, con toda la amabilidad del mundo dabilena, venga, cállate!" 

Maider Ginea ordiziarra kaletarra da, baina 10 urte daramatza Zumarragako baserri batean bizitzen. Xabier Zaldua aizkolariarekin ezkonduta dago. Etxean ez dute animatu "Baserria" saioan parte hartzera, eta horrek hain justu, gehiago motibatu du. Bi seme-alaba ditu eta saioaren jarraitzaile sutsuak dira. 10 aldiz ikusi omen dituzte atal guztiak. 

 "Bordeak" gustatzen zaizkio Maiderri, ez ditu pertsona atseginak ikusi nahi. Halaber, ez da isilik gelditzen den horietakoa. "Isilik geratu behar badut, sutan jartzen naiz. 25 urterekin baino moderatuagoa naiz, hori bai", aitortzen du. 

Ez zaizkio gezurrak gustatzen, ezta jende "exageratua" ere; "barre egiten, negar egiten artista direnak ez zaizkit gustatzen". Oro har, jendea errespetatzen duela dio, nahiz eta batzuetan pixka bat kostatu. Ez da lehiakorra, sufrimendu gaitasunik ez duela aitortzen du.

"Baserria" saioan, bikote bezala nahiago du mutilen batekin lehiatzea, gizonezkoekin hobeto moldatzen delako.