"Lagunekin liskarrak izan ditut izaera kontuagatik"

Oso gazte aktibo eta bizia da Marko eta bere antzekoak ez diren pertsonak ez ditu oso gustuko izaten. "Lasa-lasai egoten diren horiekin ezin naiz ongi konpondu" aitortzen du.

Horrez gainera, pertsona egiazale eta zintzoak nahiago ditu eta harroputzak gorroto ditu.

Kirolari dagokionez, egunero egiten du entrenamenduren bat: gimnasioan, korrika saioak egiten edo etxean indar ariketak egiten. Hori dela eta, fisikoki oso sasoi onean dago. OCR diziplinan (oztopo lasterketetan) lehiatzen aritu izan da eta emaitza onak lortu izan ditu.

Baserriko lanik sekula egin ez duen arren, gogor saiatuko dela eta dena emango duela dio.