Goenkale
Hurrengo atalaren aurrerapena
Jessiren gorpuan aurkitutako DNA Alainena dela jakingo da, 'Goenkale'n
Erredakzioa
Polizia-etxera fax bat bidaliko dute laborategitik, Jessiren gorpuan aurkitutako DNA Alainena dela baieztatuz. Ez galdu hurrengo 'Goenkale'ko atala, Jessiren hilketa argitzeko gutxi geratzen da eta.
'Goenkale'ren aurtengo misterioetako bat argitzear dago. Alainek Naia konbentzituko du, bere etxean gezurra esan eta gaua berarekin eman dezan. Gainera, polizia-etxera fax bat helduko da, Jessiren gorpuan aurkitutako DNA Alainena dela baieztatuz.
Asun Sabino eta Garbiñeren ezkontzaren kontra agertuko da, eta Sabinoren amabitxia ez dela izango esango du argi eta garbi.
Bestalde, Ibonek Manexekin ligatzen ari dela leporatuko dio Itxasori.
Julianek lapurtutako informazioaren bila ari dela, honek enpresa farmazeutiko bateko akzioak erosi dituela jakingo du Mireiak.
Saidek lagunduta, Maddik salaketa jarriko du Jagobaren kontra du, erasotzeagatik. Maddik horren guztiaren berri emango dio Germani, baina honek baja hartzeko esango dio. Izan ere, arma-trafikoaren ikerketa bat egiten ari den bitartean, Jagoba bakean uzteko eskatuko baitio Nekanek Germani. Maddik, baina, bere nagusia ulerkorragoa izatea espero zuen, eta etsipen handia izango da hori beretzat.
'Goenkale' astelehen eta astearteetan dago ikusgai, 22:20tik aurrera, eitb.com-en eta ETB-1en.
