Goenkale
Gaur gaueko aurrerapena
Lortuko ote dute Kepak eta Barbarak ihes egitea 'Goenkale'n?
EiTB
Ertzaintza atzetik dute, baina garaiz iritsiko ote dira? Gaurko atalean ikusiko dugu, 22:20an hasita.
Informazio gehiago (1)
Kepa Manterola eta Barbara emaztea Arraldetik alde egiteko zorian daude 'Goenkale' telesailean, Lukas gizagaixoari iruzur egin ondoren. Dena prest daukate, baina Ertzaintza atzetik dute, gero eta gertuago. Nekanek txakolindegia miatzeko baimena jasoko du, baina garaiz iritsiko ote dira? Manterolatarrek Lukasen diruarekin ihes egitea lortzen badute, zer egoeratan geratuko da Madariagatarren semea?
Etxegaraitarrenean, aldiz, Amalia amona etxera ekarriko dute, baina egoera begetatiboan. Erietxean argi esan diete ezin dutela ezer egin amonaren egoera hobetzeko eta azkena noiz helduko den itxaron besterik ezin dutela egin. Amona etxean izanda Hodeik heriotzaren aurrean duen beldurra handituko da eta Alazne ere beldur izango da. Taniak, berriz, Alaznek egiten dituenak tapatzen jarraituko du.
Horrez gain, Hodeik pneumonia harrapatuko du. Leuzemia duenez, larri jarriko da eta erietxera eraman beharko dute.
Hori guztia eta gehiago ikusiko dugu gaur gauean 'Goenkale' saioan, eitb.eus eta ETB1en 22:20an hasita.
