Goenkale
Aurrerapena
Julian Iantzi ere, Boga salbatzeko prest!
EiTB
Gaur gaueko 'Goenkale'ren atalean, Boga taberna salbatzeko dirua lortzeko lehen ideiak botako dituzte langileek. 22:25ean izango da ikusgai.
Informazio gehiago (1)
Julian Iantzi Boga taberna salbatzeko prest dagoela ikusiko dugu 'Goenkale'ko hurrengo ataletan. Gaurkoan, dirua lortzeko lehen ideiak izango dituzte.
Boga taberna salbatzeko dirua lortzeko lehen ideiak sortuko dira Arralden. Axuni "suhiltzaileek egiten duten egutegien tankerako bat" egitea bururatuko zaio, arroparik gabe. Leonor eta Alizia ez daude oso ados hasieran, baina baliteke Boga salbatzeko modu bakarra izatea.
Bestetik, Fatimari gero eta zailagoa egingo zaio telebistako reality saioan famatu egiteko esan dituen gezurren ondorioak jasatea. Realeko jokalari baten bikotekidea zela esan eta gero, Interneten mota guztietako komentarioak egin dituzte berari eta Itxasori buruz, eta horrek areagotu egingo ditu bi ahizpen arteko liskarrak.
Etxegaraitarren etxean, aldiz, arazoak ez dira amaitu. Orain, Tania bakartuta dago ospitalean, ebola izan duen gaixo bat artatu duelako. Gainera, botikako lapurretari susmo txarra hartu dio Nekanek: jabeek eurek asegurua kobratzeko egindako lapurreta dela uste du.
Astelehenero legez, 22:25ean egongo da ikusgai 'Goenkale', ETB1en eta eitb.eus-en.
