Gu Ta Gutarrak
Lagun berriak
Julen eta Ibai, 'Gu Ta Gutarrak' saioko lehiakide berriak
I.A.
Lehiakide berriak aurkeztu ditu Julen Telleriak: Julen San Sebastian oriotarra eta Ibai Hidalgo amurrioarra. Halere, oraindik ez dakigu bakoitza zein kuadrillako kidea izango den...
Informazio gehiago (1)
Iker eta Alain kanporatu ostean, "Gu Ta Gutarrak" saioak lehiakide berriak behar zituen. Lehiakidegaiak nortzuk ziren ikusi genuen, eta horietatik 2 sartu dira saioan: Ibai eta Julen.
Ibai Hidalgo Amurriokoa da, 20 urte ditu, eta informatika ikasten ari da. Kickboxing egitea gustatzen zaio Ibairi, eta baita arrisku-kirolak praktikatzea ere. Lorezain lanetan ibili izan da eta teknologia berriekin saltseatzea atsegin du.
Julen San Sebastian Oriokoa da eta 18 urte ditu. Goi-mailako robotikako ikaslea da Julen, eta, gaur egun, sorosle lanetan aritzeko titulua ateratzen ari da. Orioko arraunlaria da eta kuadrillako saltseroa izatea gustuko du. Mugikorrik gabe ezin duela bizi aitortu du.
Gutar berriak ezagutu ditugu, baina oraindik ez dakigu zein taldetako kidea izango den bakoitza.
